Home
       Berichte
       Photos
       Gästebuch
       Links
       Impressum


22. Juni 2008

z Miami haemmer den no di allerletste taeg gnosse mit shoppe;-)mer haend den au fasch nuet me anders gmacht als shoppe;-)d eveline haet nomol zuäsätzlich zu erem riiiise rucksack möse en koffer chaufe...de het si den au grad de ganz no gfuellt gha ;-) und i ha den no di letschte lucke vo mim gepaeck usgfuellt...i han jo schliessli scho en pack vo hawaii haigschickt gha:-)mer haend den au no paar taeg chli woelle go bade,aber leider ischs wetter noed so guet gsi....--> rainy season...;-)

am donschtig obig simmer den vo miami abgfloge und am fritig nomi simmer do ide schwiz glandet...and now....

...we are back home....

...and i would say, it was the best time in my life...

 

15. Juni 2008

Die letschte taeg in Isla Mujeres haemmer no sehr gnosse.ein tag haemmer no velos gmietet und sind um di ganz insle umegfahre...am letschte Mittwuch haemmer den uesi Reis uf Miami in Agriff gno...isch glaub guet gsi simmer doet gange...bim zmorge esse seit zu mer ein...what do you think about the hurrican?den hani gseit, was hurrican???? (mer haend jo notuerli nuet vo allem mituebercho) jo dae hurrican wo huet chaemi oebi noed gseh heg wies windi...:-)haet den wuerkli grad recht gwindet und chli dunkel usgseh...mer haend den eifach ghofft mer choend fluege und z miami isches besser...mer sind den mit schiiff autobus und taxi zum flughafe greist...mer haend uesi Pesos genau so iteilt dases gnau no fuer s taxi langet s billet fuer de autobus haemmer scho zahlt gha...mer haend gwuesst, das s taxi bis zum Autobus 50 Pesos (ca. 5 franke)choschtet.es isch den grad ein Taxidriver daeher grennt und het gseit yeah fifty is okey...den haemmer denkt super...sind den cheibe lang gfahre...i ha den schomol denkt hm..ischs den letschtmol au so lang gange...d eveline het den au gfunde do stimmt doch oepis noed...mer hend den grad e tafle gseh wo aeropuerto agschribe gsi isch...den hemer denkt jenu den bringt er ues halt grad direkt zum flughafe anstatt zum autobus...solangs noed meh choscht ischs ues jo glich.mer henden den mol gfrogt gha...den seiter neinei noed 50 Pesos (5 Franke) er heg denk gmeint 50 USD...:-)isch au en glatte vogel...in Mexico chunt mer jo noed grad uf d idee das USD soetted si...:-)mer hend jo nur no grad ca. die 50 Pesos und paar zerquetschti debi gha...er haet ues den drum grad woelle uf de strecki uslade...:-(er haet behauptet mer heged gseit Flughafe und noed zum Bus...obwohl mer ihm no s busticket zeiget gha hend...jenu noch langem hin und her haeter ues den glich no zum Bus brocht und mer haend em alles ueses letschte geld moese ge:-)

ez simmer z Miami und sind wie di verruckte am shoppe:-)

 

8. Juni 2008

Wills in Tulum sooo schoen gsi isch, s wetter wieder super worde isch und s backpacker au guet gsi isch sind mir den bis huet in tulum gsi...d eveline het ez zwor floeh;-).worschindli vo dene neschter doete.si juckts und zwickts ueberall di ganz ziit.

huet simmer uf isla mujeres greist.uf de fahrt do here hani no en hollaender kenneglernt...er haet au ganz en glatte bruef...er isch naemli mol ibrecher gsi haeter mir verzellt;-))i han den mini siebe sache grad chli feschter ghebet...er het mir den gseit,er heg ez aber ufghoert "mit sib joebbli",mer machi so nur alli luet veruckt...:-)))isch glaub no recht en schlaue;-)vor luuter schwaetze haeter den fasch no sini haltestell verpasst;-)mir sind den wiiter uf cancun gfahre und vo doete us mitem schiff uf isla mujeres...do sind mer grad nomol ines backpacker...sind mit 3 komische australier im zimmer....jojo...hauptsach het noed wieder floeh do...;-)mir gnuessed ez worschindli uesi letschte taeg vo mexico no do in isla mujeres.

5. Juni 2008

Mittlerwile isch s wetter wieder guet worde...drum haend mir ues au entschide, das mer glich in mexico blibed...mer sind den zirka zwei taeg no in playa del carmen blibe. ein tag simmer mitem schiff uf d insle cozumel gfahre....doet haend mir den sone schnorchel tour gmacht miemene chline boetli...isch meega schoen gsi....noher hets den wieder abegstraezt...aber mer haend glich de spass gha.d stross isch total ueberschwemmt gsi,mer heted grad choene go schwimme doete:-)...de tag drum simmer den zaeme mitem "awesome" Mike uf tulum greist. mer sind den do inae Backbacker. isch sehr billig und au no schoen. noher simmer do no go e maya ruine aluege und noher no de schoeni strand vo tulum. isch eifach de allerschoenschti woni scho jeh gseh han..tuerkisblaus meer so weit das auge reicht :) ...leider ischs doete immer no wuescht waetter gsi.am noegste tag simmer den z vierte no mitmene mexicaner go d cenote Azul aluege.de mexicaner het gseit das seg di schoenscht,drum simmer den grad mit em mit.isch wuerkli mega schoen gsi.am obig simmer daen go poschte und haend i uesem hostel fajitas gkochet.geschter ischs den endli mol so richtig schoens wetter worde und mir sind den drum mol en tag an strand glaege...

31. Mai 2008

Noch San Cristobal sind mer den uf Palenque gfahre, doet hemmer die groesst ruine vo mexico aglueget, isch wuerkli sehr interessant gsi...mir hend den doet im Dschungel gschlofe i somne chliine huettli...s huettli isch recht schoen gsi....aber am obig haemmer den woelle go dusche go...aber womer de wasserhahne uftruellt haend isch nur ganz biz wasser usecho...;-)aso i woer fasch sege s wasser isch nur usetroepflet;-)mer sind den scho ganz schuumige ide tuschi gstande und hend den de schuum wieder moese losbringe;-)am obig haends im dschungel no sones restauraentli mitere liveband gha...mer sind den nochli doet ane...mer hend nur ei nacht in palenque gschlofe,wil viel meh als die ruine chamer doet noed aluege...

am noechste tag sind mir den uf campeche gfahre...das isch au sehr e schoeni stadt gsi,campeche isch direkt am meer...mer sind den irgendwenn am nomittag doete acho und sind chli dur d stadt glaufe zum si aluege...isch au ganz e schoeni stadt,aber wieder chli andersch als san cristobal...

vo campeche simmer den richtig merida gfahre doet haemmer den sonen hunger gha,dasmer zersch haend moese ines resti.de vom resti haet so freud gha a ues,daser ues grad alli guete sache vo de stadt haet woelle zeige..er isch den sogar no mit ues mitcho go ues en lade zeige wos di beste haengematte git...d eveline haet den grad no eini kauft gha doete.noher simmer den chli selber go d stadt erkunde und noher haemmer den no mit somne buessli e stadtrundfahrt gmacht...isch no interessant gsi. bi dem buessli haettmer choene ufem dach obe verusse hocke aber jedesmol wen en baum cho isch haemmer ues moese ducke, suesch het ues de baum grad mitgnoh...;-)z merida haemmer den es hostel gnoh gha,isch ca. 12 franke gsi pro person inklusive zmorge esse;-)aber isch wuerkli no schoen gsi doete.haet au wieder ganz netti luet gha doete.am obig isch doet grad no sones Fest gsi, doet simmer den grad no ane...

trotz dene nette luet in campeche simmer den am noegste tag uf chitchen itza...die bekanntischt ruine vo mexico go aluege....eigentli haemmer wieder woelle mit em oeffentliche bus go,aber die vom hotel haet us grad sone tour empfohle.i dere tour isch d besichtigung vo chitchen itza mitme guide inbegriffe gsi und no s esse und di ganz fahrt richtig playa del carmen.und s gepack choened mir immer doete im auto loh het si gseit,das seg gar keis problem. mer haend den denkt,jo das isch super den muemer ues nie kuemmere wegem gepaeck istelle und allem und isch alles grad organisiert.am morge haend mir ues den ready gmacht und haend gwartet bis ues de driver isch cho hole...het den alles wunderbar klappet.de fahrer het ues abgholt und mir hend de trip mit 4 anderne luet zeme gmacht.mir sind d ruine vo chitchen itza go aluege und sind noher no zunre cenote gfahre. isch sehr schoen gsi...es het den eifach grad recht avo regne...aber mir hend jo den noher choene go esse...es buffet isch inbegriffe gsi und mer haend ues doet vollgfresse;-)nochem esse hets den abegstraetzt wie us chueble...mir hend den woelle wieder is auto istige...aber uesen driver het ueses gepaeck im straezende raege ines anders auto iglade...mer sind gar nueme drus cho...er het den gseit mer moesed is ander auto istige...haemmer den au gmacht und sind losgfahre,den het d eveline gmerkt,daser eini vo erne taesche noed uebere bigge het...si isch den i dem raege use grennt go de ander driver sueche...de isch aber nueme ume gsi...noch langem sueche het si en hindremne gebuesch gfunde mit sim auto...er isch sich grad am umzueche gsi...;-)i ha den im auto gwartet...den luegi voruse do gsehni das mis gepack im gunte ine liit...den hanis am driver gseit...er hets den mol gmuetlich ine gno...pfloedernass isches gsi...er het den grad woelle abfahre...den hani gseit nei halt halt d eveline isch nonig do...do luegi use...zack liit mis gepack schowieder im gunte...den hendses wieder ine tue...het eifach fasch kei platz gha das gepaeck und alli luet...den simmer mit dem driver nomol go die cenote aluege...mir sind den aber im auto ineblibe...und ich lueg usse...schowieder liit mis gepacke im rege...unglaublich gsi....den hani am andere gseit er soelli ez mol mis gepaeck ine neh...er het den noed de gliche tue...:-(er het ues und ueses gepaeck eh ghasst.mer hend den schlussendli ganz verquetscht moese zwusched uesem nasse gepaeck hocke und 3 h haifahre...si haend den alli luet bi erne hotels use loh...mer haend ues den gfreut uf ueses super hotel in playa del carmen womer scho vor 2 johr gha haend...Sian Kaan heissts.si hend ues den doete use loh...hend aber waehred de fahrt all ueber ues gredet uf spanisch und glachet.de alt isch richtig verruckt gsi weg uesem gepaeck...mer aber au uf ihn:-)...haend jo schliessli nuet defuer choene...ok...si haend ues den useloh bim Hotel "SIAN KAAN"...mer haend den doet woelle grad go e nacht bueche...(haet immerno i stroeme gregnet).....aber doet isch keis hotel meh gsi...nur no en shuthuffe:-(mer sind grad recht enttuescht gsi...und hend den au gwuesst,wieso das die drivers immer so glacht hend im auto..die hend scho gwuesst das doet kei hotel me isch...mer hend ues den es neus gsuecht...isch chli tuerer als s ander...aber mer haend dafuer jetzt e halbi wohnig;-)das ischmer no en tag gsi...:-))

jetzt haemmer grad no rasch d wettervorhersage aglueget vo playa del carmen...but they are still bad...vilicht goemmer ez no uf belize und hoffed doet isch bessers wetter...aber mir wuesseds nonig gnau...

 

26. Mai 2008

mer haend grad no glueck gha am samschtig in Huatulco,...haend naemli grad no di zwei allerletschte tickets fuer de bus choene ergattere...:-)suesch heted mir no en tag laenger moese doet blibe...noch 15 stund busfahrt ueber d nacht haend mer den au no das San Cristobal in Chiapas erreicht. do isch grad s gaegeteil vo Huatulco. doet haemmer ase gschwitzt und do sind mir scho fasch am fruere...die Stadt isch ca. 2000 m ueber Meer. Do merkt mer de unterschied scho grad. jenu mer haend ez d badhose wieder z underst in koffer tue und pulli, jacke und di lange hose wieder une fuere grabet;-)isch e wunderschoeni stadt do...alli hueser sind so schoen farbig und het viel gueti sache zum ichere do;-)das passt ues notuerlich...mer haend gest e chirche aglueget und sind den no ufen markt...wil d eveline so markt-agfresse isch simmer den huet grad no ufen groessere markt gange...doet chaufed alli mexikaner eres zuegs i, mer sind glaubs so zimli di einzige turiste gsi...

morn goht uesi reis wiiter uf palenque...:-)

24. Mai 2008

Noch uesem ufenthalt in Oaxaca simmer den uf Huatulco gfahre mitem Car...ca. 8 h isch uesi fahrt gsi.eigentli haemmer gest woelle uf sones Schiff, leider ischs den scho abgfahre gsi wo mer cho sind. Den simmer gest mol chli en tag an strand und huet haemmer den die Schifffahrt doch no gmacht. Isch eifach suuper gsi...sind a 7 verschiedeni Buchte gfahre. eimol haemmer no choene go schnorchle...seb isch aber noed so das wahre gsi:-)erstens haend usi schnorchelbrille ineloh, womer gad churz vorher imne habaschelaedeli kauft hend, zweitens haemmer vergesse flosse chaufe.aber mer hend denkt das macht jo nuet goht au ohni Flosse. Schnorchelbrille hemmer den no wasserdichti vo dene vom schiff uebercho. den hemmer denkt super,klappets glich no und sind den grad fasch als ersti is wasser gumpet. womer den mit de ganze truppe usegschwumme sind,haemer gad no gmerkt mer sind au di einzige wo kei schwimmweste hend:-)))jenu mer sind den glich wiitergschwumme...ploetzli hets ues aber ueberall zwickt am koerper....hm...luuter jelly fish(Quallen)...??mer hend eifach nueme choende wiiter schwimme:-)hend den als einzigi wieder umkehrt und sind chli ufs schiff ghockt:-)aber isch den doet au schoe gsi und isch en super coole tag gsi.

huet ueber d nacht fahred mir ez ab uf San Cristobal. irgendwenn morn morge soetted mer den mol doet si...

21. Mai 2008

So, in Hawaii hanich no en schoene Abschied gha, sind zersch i di fein cheesecakefactory go esse und noher hemmer nochli uf mim balkon Abschied gfiiret. Am letschte Tag hani den no di letschte sache moese erledige, ide letschte minute hani den no mis riiise paket moese haischicke, bi gad di letscht gsi ide post ine...si hend scho alli gitter zuegmacht gha...:-)het aber den grad no glangt gha. den bini no allne go tschau sege und han mi den uf de weg zum flughafe gmacht, mer haend eigentli zersch no woelle go esse, aber d ziit isch den glich recht knapp worde...am flughafe hets den au nuet me rechts zesse ume gha, jenu, den haemmer halt nochli gschwaetzt gha vor de security conrol...und gwartet bis boarding time stoht, isch den eifach nie gstande,aber bi den glich mol ine, i han jo schliessli noed woelle no de flueger verpasse. bi den as gate glaufe, doet isch gstande final call, ha denkt puuh grad nomol glueck gha...han den mis ticket anegstreckt,do seit de vo de american airlines...mrs meier YOU MISSED YOUR FLIGHT...shit happens, ich bin den am flughafe gstande, without baggage, without accomodation, and without flight ticket,und d eveline elei in mexico city......hans chum choene glaube...er haet mir den aber choene de flug umbueche, leider erst uf de ander tag.tja, bi gar noed sicher gsi, wani ez soell mache, am flughafe schlofe,nomol zrugg uf waikiki oder was au immer.bi den zersch mol rasch in starbucks go en chueche hinderedrucke und ueberlegae:-)ha mi den entschide, zum uf waikiki zrugg go, han doet choene bimne kolleg schlofe...perfekt gsi...am andre morge hanis den nomol versuecht gha,doet hets mir den mit de ziit perfekt glanget gha:-)z LA am flughafe hani den no das mexicana ticket moese go umbueche und 100 USD zahle,jenu....bi den in Mex. acho...mitem baggage hani eigentli noed grechnet gha,das das no acho isch...het aber den klappet gha...hans zwor moese oeppe e stund go sueche,isch den irgendwo im ecke gstande...aber jupi....hans den gfunde, bi choge froh gsi:-)und noher bini mitme taxi zu de eveline is hotel gfahre...mer haend us den zersch oeppe drue stund moese s wichtigst verzellae bis mer den hend choene schlofe.mer sind den zwei taeg i dem hotel gsi und noher am zischtig simmer uf Puebla gfahre...und huet (Mittwuch) simmer ca. 4h bus gfahre uf Oaxaca...do isch s choge schoen,sind grad ufemne markt gsi.mer wuessed zwor nonig gnau,obmer morn schowieder wiiter goend,oder nomol e nacht do schlofed...we will see...

16. Mai 2008

So, this is my last short report from hawaii:-)

A few days ago, i signed me up for the Mai Tai Catamaran trip with the school, it was great fun. We drove out of the ocean to watch the sunset. But i didn t see the sunset, i was so busy with myself, because there were really high waves and we students had to look that our drink didn t drop out of our glasses and we didn t fall out of the catamaran:-).

Last weekend we visited Maui, it was a beautiful island...for more informations please see the pictures:-)

So, and today we are going a last time to the cheescakefactory (my favorite restaurant) and then it is partytime:-)

and tomorrow, i will say.....GOOD BYE HAWAII:-(

8. May 2008

So, i will try to write in english, but my english is still not really good.

Three weeks ago (19. april 2008)we went a few times a day to the airport, because 3 friends left hawaii:-(A day befor they left we were eating in the cheesecakefactory and after that we made a party at my balcony. It was really funny.

On sunday (20. april 2008) we decided to go to Pearl Harbor, but we were so tired from our party, that we can t got up early. Then we put our trip off. On monday directly after the school we took a bus in direction of Pearl Harbor. We visited the U.S.S. Arixona Memorial. It was really amazing to see that.

On Tuesday (22. april 2008) we visited the Dole pineapple plantation. Our bus ride was approximately 2 hours. With the Pineapple Express we drove around the pineapple plantation. After that we went to the Variety Garden and a man told us about this plants. Finally we walked to the World s largest Maze, but it was later than 17.30 and so the Maze was closed:-( We were disappointed and had just a look in the Pineapple Shop. Mmmh... I bought a really amazing well-smelty Pineapple ice cream for me:-) At least we picked up the bus and got back to Waikiki.

On saturday it was a great day. We rented a car and drove around the winward side up to the north shore. We took a lot of stops at wonderfull places. The whole drive to north shore was near the coast. We passed by at Hanauma Bay, one of the best place for snorkeling, Sandy Beach, Kailua Bay --> many people called them the nicest Beach of the Island. In fact we prefered to visit the Kane ohe Bay, but we didn t find a street to this Place. Then we made a mistake and we took a wrong Highway. This Higway took us in direction of Honolulu, but how you know we wanted go to north shore!!!Near Honolulu or i think it was honolulu!!:-(, we had the opportunity to turn back. Yeah, our trip begans to start again:-)While our drive we saw a temple it s called Byodo-in Temple we had a look in this Temple and ate there our lunch. After a long ride we arrived at north shore. We stopped at Turtle Bay and Sunset Beach. Both were wonderfull beaches. We knew that at pipeline were the biggest waves. Therefore we went to this place to see this extrem high waves. Every year between november and december is there the surf world championship with approximately 10 m high waves. We jumped into this waves, but the waves had such a strength that we can t fight against this waves. After this experience we were so tired, and slept over the beach. When we woke up it was really late and we drove so fast to the Waimea Beach Park to see the sunset. But short bevor the sunset my batteries from my cam were down. OK. than i saw the sunset without pictures. In Haleiwa we found a special fish restaurant for our dinner. We had to wait for 40 min. Here in hawaii its normal to wait in front of a good restaurant for eating. The dinner was really good, just mine was a little bit special. They served me a whole quarter of a salad and put there a cheese sauce or something like this on my salad. It was a special tasty dinner:-) We drove tired at home and enjoyed us over a really excited day.

On sunday we slept in and in the afternoon we rented bodyboards. It was really funny ,but the shop hadn t enough flippers for me:-( therefore i can t catch some waves, because i was not fast enough without flippers:-(Don t worry, i will rent a bodyboard another time and try it again:-)

16. April 2008

Letscht dunschtig hanich doerfe zude carole und de karin erere homestay family go dinner esse...die wohned ca. 1 stund mitem bus vo de schuel entfernt. das isch zwor do in oahu normal, alli wo a homestay family hand wohned so wiit aewaeg vom zentrum entfernt. die fahred jedae tag mind. 2 h bus oder no laenger, wil die bues do eifach chli chomed wens lust hend, git zwor scho en fahrplan, aber d bues choend mengisch e halb stund fruener oder e halb stund spoeter oder gar noed...mer weisses nie...:-)d homestay mum und dad hend choge freud gha, das nomol e person meh am tisch gsi isch:-)si hend gseit i choen alles go aluege im huus und mi fuehle wie dihei...:-)i choen eifach au suesch wiedermol cho weni woell...:-)s esse isch mega fein gsi. Si haend daen erfahre,dasich geburi han, aso noch schwizer ziit isch scho 11. april gsi...daen haends doch gad no happy birthday gsunde fuer mich, zersch uf englisch und noher no uf hawaiianisch und haend sogar no es gschenkli fuer mi uftribe...:-)noher binich mit dae carole und karin wieder uf waikiki gfahre und mer haend den uf mim balkon mit de anderne nochli geburi vorgfiiret...und am fritig woni den wuerkli geburi gha han simmer ind cheesecakefactory go esse gange...unglaubliche lade...mer haend moese zersch ca. e stund vorusse warte, bismer ine hend choene, mer chunt do sonen pager ueber wo en vibra integriert het, mer chan den i dere ziit nochli go umelaufe und sobald de alarm abgoht isch den en tisch frei...und doet stoend jeda tag soviel luet verusse und wartet bis inechoend...isch meega fein gsi...git riiisigi portione,mer mag amel nie de ganz teller, aber de leftover chamer amel mitneh und am andere tag no waerme...:-)

Big Island:

Am wuchenend simmer uf Big Island gfloge...isch eifach absolut de hammer gsi...am samschtig morge sind mir abfloge, ca. am 9ni simmer daen z Kuna acho und hend di andre troffe wo au in big island gsi sind. mer sind den schlussendli 8 luet gsi und zwei autos...haet grad passt...am samschtig sind mir den in vulcanoes national park....mer hand ghoert, dasmer a eim ort fluessigi lawa gsech is meer laufe, das haemmer doch schono woelle go aluege...leider isch den de anderne fasch s benzin usgange...und uf big island choentsch glaubs die tankstelle a einre hand abzehle...si haend den drum moese chehre und nochre tankstell go sueche, mir sind den glich wiiter gfahre und haend ghofft si schaffets no:-) Fluessigi lawa haemmer den glich kei gseh gha, isch eifach no z hell gsi...aber isch trotzdem mega idruecklich gsi und het sich echt total glohnt gha no doet anezfahre...ufem haiweg simmer den no anen schwarze strand...voll cool gsi, chamer sich gar noed recht vorstelle wemers no nie gseh het...alles ganz schwarz...aschluessend haemmer den de wiit haiweg no in agriff gno,sind alli recht kaputt gsi,isch e recht langi fahrt gsi. sind sicher meh als 6h auto gfahre a sebem tag...in kuno haemmer den uebernachtet und am andere tag chli usgschlofe...am sunntig haemmer ues den chum choene entscheide wamer woend mache,jede het chli oepis anders woele und mir haend ues jo maximal choene i zwei gruppe ufteile,wilmer jo noed meh autos gha hend...bloederwis haemmer nuet im vorus plant gha und sind eifach mol ufgstande...:-(noch ca. 2, 3 stund haemmer ues den endli entschide gha, so dases fuer alli passt het...zwei haend den woelle in kuna blibe und mer sind den z 6te uf de mauna kea (mittlerwile isches scho ca. 2 am nomi gsi...):

Wikipedia:

Der Vulkan Mauna Kea (hawaiisch fuer weisser Berg) ist mit etwa 4.214 m der hoechste Berg auf Hawaii.

Da er vom Meeresboden aus gewachsen ist, betraegt seine gesamte Hoehe vom Fuss unter Wasser bis zum Gipfel etwa 10.205 Meter und er ist nach dieser Messung der hoechste Berg der Erde.

Auf dem Mauna Kea befindet sich das Mauna Kea Observatorium, eines der groessten Sternwarten der Welt mit den zurzeit leistungsfaehigsten Teleskopen.

Unglaublich, aber wohr, doet obe hets schnee gha, es isch soo chalt gsi, und mir sind au gar noed so warm usgruestet gsi, wills jo ebe en spontaneintscheid gsi isch zum doet ufezgoh...isch eifach unglaublich gsi die fahrt zum mauna kea, mer haend allpot wieder moese ahalte zum foeteli mache...d strosse sind z. T. recht kaputt gsi...mir haend sogar no en raddeckel verlore. hends zwor den erscht dihei gmerkt gha,...guet weiss noed so gnau, oeb das wuerkli nur ade stross glege isch oder au am fahrer...????:-)))z oberst obe isch den d luft scho recht duenn gsi, mer isch grad schnell is schnuufe cho, het noed denkt, dass das wuerkli so krass isch...aber isch eifach genial gsi doet obe....noher haemmer denn grad chli muese pressiere mit haifahre, noed dasmir den no de flueger verpasst hetet...jojo am ca. 1 ide nacht simmer den endli totkaputt im appartement gsi...und hend eifach es suuper wuchenend hinterues gha...:-))

9. April 2008

Leider haet ues s waetter am wuchenend achli en strich dur d rechnig gmacht,haet eifach chli viel gregnet, drum haned mir den noed soviel choene mache...i han mi den achli im Ala Moana Shopping Center ufghalte (eis vo de groeschte ichaufscenter ide Welt, ca. 200 laede) doet isch den ziit zimli rassig umegange...

Die Wuche isch wieder en offizielle Afangstermin gsi ide schuel. jetzt haends klasse wieder ganz neu iteilt und au neui lehrer hani uebercho...mir haend e gueti klass ...am maentig sind mir mit de schuel in Honolulu Zoo gange, han zwor au scho en bessere zoo gseh, s best isch gad no de elephant gsi woner ufem foti choend gse...:-)mer haet amigs fasch en halbe km moese laufe bis wiedermol es tier cho isch...:-)jenu...mer hend jo den sobald mir umeglaufe gsi sind choene abduese..mer sind den nochli doet ide noechi grad an beach...

gester sind mir uf de Diamond Head ufeglaufe...di einte hend gseit mer heg recht lang zum ufelaufe, mer sind aber den zimli zackig doebe gsi,isch ase e hitz gsi...d sicht isch noed soo obtimal gsi,aber jenu...mir choend jo den nomol emol go und den aber gad am morge frue...den ischs weg de sunne am beste...:-)

und ez haend mir grad no de flug buechet fuers wuchenend, mir goend nemli uf Big Island...:-)

so das waered wiedermol d news gsi us Hawaii...

31. Maerz 2008

Aloha...ich hans immerno voll suuper do, han mi scho richtig iglaebt und fuehl mi scho richtig dihei do...:-)letscht mittwuch a dem holiday binich mit 3 schwizer uf de aloha tower, das isch sonen ussichtspunkt...isch choge schoen gsi...und aschluessend sind mir nochli downtown honolulu go aluege. Am wuchenend bini no mit dene zwei unterwegs gsi womi am Flughafe z LA aghaue hend oebich Claudia vo zuzwil seg...:-) mit dae Fraenzi und em Victor....mer sind an Aloha markt gange, eigentli haemmer nu schnell woelle go, sind den aber ca. 5 stund worde...mer haend fasch de ganz markt zaemekauft...:-)am schluss sind mir soo mued gsi, sind den nuno churz an sandybeach und nochher haemmer bi minre wohnig no kochet...si hend den grad bi mir uebernachtet, si haend aebe am andre tag wieder moese frue ufstoh, wil si grad uf maui abgfloge sind...isch aber en suuper tag gsi mit dene zweine:-)

25. Maerz 2008

Aloha......i bi acho also noed erscht ez scho siitam Samschtig/Sunntigmorgae noch Hawaii-Ziit (-11h)...noch minere ca. 30 stuendige reis binich vom taxidriver mitme hawaiichranz am flughafe herzlich empfange worde...es het alles super klappet...zum glueck hanich de flug in zuerich no choene umbueche, er haet ca. 5h verspoetig gha...i het den alli Folgeflueg verpasst und het worschindli no moese z L.A. am Flughafe schlofe....:-(Mir gohts super...mis studioappartment isch eifach de hammer und haet en suuper balkon...am sunntig simmer den no go d schuel sueche...dasmer si am mentig grad finded...am mentig haemmer den gmerkt,dases glich noed d schuel gsi isch womer hend woelle ine...den hemmer halt wiitergsuecht...:-)huet binich s erstmol richtig ide schuel gsi...gester hani no moese en itrittstest mache und het nochli instruktione geh...und morn isch scho en fiirtig:-), das heisst ich han wieder frei:-)sodeli...und ez hauis nochli an beach....:-)



powered by klack.org, dem gratis Homepage Provider

Verantwortlich für den Inhalt dieser Seite ist ausschließlich
der Autor dieser Homepage. Mail an den Autor


www.My-Mining-Pool.de - der faire deutsche Mining Pool